Nýja bloggið er http://tolvunord.bloggar.is

Færi mig nú yfir á http://tolvunord.blog.is

Prófa ég aftur eitthvað nýtt

79B942C2A8D9EF516FA8C9AA63C78E55

Keypti mér nýjan vinnubíl fyrir 2 vikum síðan.  Renault Kangoo, gulur og flottur maður.  Hann er að virka asskoti vel bara, enda búið að vera vangefið að gera í aukavinnunni síðustu 2 vikurnar.

Svo er ég á leið til Nice í Frakklandi, 22-28 apríl.. er að fara á DevConnections sem er ráðstefna um nýjustu Microsoft tæknina, ASP.NET 2.0 ofl.  Það verður bara gaman.  Fer út á laugardegi, fæ semsagt sunnudaginn út af fyrir mig og svo byrjar ballið á mánudegi.

Svo er fínt að frétta af littlu fjölskyldunni minni...

Hvorki hættur að blogga né í átakinu... bara smá bloggleti í gangi sko.  Ég er ekki alveg jafn duglegur í ræktinni og fyrstu 7 vikurnar, mæti samt lágmark 3svar í ræktina og í fótbolta tvisvar í viku, þannig að þetta er nú ekki svo slæmt.  Málið er nú líka það að ég fékk svo svakalega í bakið í síðustu viku, bæði á þriðjudegi og svo aftur á föstudegi - klemmd taug - þursabit - eitthvað rugl.

Óli vinur gifti sig um helgina og vil ég nota tækifærið og óska þeim hjónum aftur til hamingju með áfangann.  Athöfnin og veislan voru mjög góð... flottur matur í veislunni - kengúrukjöt, sniglar, plokkfiskur og margt margt fleira.

Svo keypti ég mér vinnubíl í síðustu viku - Renault Kangoo - gulur og flottur... enginn smá munur að vera kominn með almennilegan vinnubíl, maður var farinn að skammast sín soldið mikið þegar maður mætti heim til fólks á Nissaninum hann var alveg að ryðga í sundur...

Annars bara fínt að frétta af Rósu og Vigni... þau skemmta sér saman allann daginn á meðan ég er í vinnunni

Nú fer sjöunda vikan í átakinu mikla að líða undir lok.  Það er skemmst frá því að segja að ég vigtaði mig í morgun og var þá 87,5 kg.  Það þýðir einfaldlega að ég á enn eftir að losa mig við hálft kíló til að komast niður í sömu þyngd og ég var þegar blessað átakið byrjaði, en ég er allavega kominn úr því að vera í kringum 90 kílóin.

Síðasta vika var reyndar mjög léleg hjá mér, mætti bara einusinni í ræktina og fór tvisvar í fótbolta... steggjunarhelgin hans Óla skemmdi mig alveg.  En núna er ég að auka við átakið því maður er alveg hættur í kaffinu, ekkert te, ekkert kók eða annað gos - drekk í staðinn bara meira vatn.  Og svo reynir maður að fá sér engan bjór um næstu helgi... lofa samt engu.  Svo er ég farinn að borða 4 sinnum á dag í staðinn fyrir 2 svar á dag, bara minna í einu - það er nú heilmikil framför.

Svo er bara að sjá á mánudaginn hvernig tölurnar verða

Lítið annað að frétta, nema hvað að Vignir er farinn að geta velt sér af maganum yfir á bakið - sem í sjálfu sér er stórfrétt, en það er bara komið soldið síðan hann gerði þetta fyrst og ég hef ekkert bloggað í lengri tíma

JámmJámmJámm

Usssss
Fita 19,8% - síðast 20,8%
Vatn 53,3% - síðast 53,2
Ummál ??? - síðast 99,5

Þetta er náttúrulega engin frammistaða.  Verð að fara að hætta þessari helvítis drykkju allar helgar svo maður fari nú að léttast eitthvað.

Við fórum á Indriðastaði nokkrir drengir um helgina til að steggja hann Óla vin okkar.  Þar var að sjálfsögðu vel drukkið og étið af alskonar ógeði og guðaveigum sem fer misvel með þyndgina á manni.  Svo var maður svo þreyttur eftir þetta allt saman að ég klikkaði meira að segja á ræktinni í morgun.  Þarf að koma mér upp einhverju refsikerfi svo átakið fari ekki til fjandans.

Komiði nú með einhverjar hugmyndir um refsingar hérna

Rakst á þetta og bara verð að deila því með ykkur...

http://blog.central.is/-91?page=comments&id=1471592

Fita 20,8% - síðast : 20,1%
Vatn 53,2% - síðast : 53,2%
Ummál 99,5 - síðast : 99,5

Ég er ekki enn kominn niður í þá þyngd sem ég var í þegar átakið byrjaði... og nú eru 4 vikur búnar.  Reyndar var aftur drykkja núna á laugardaginn og hvert "fyllerí" eyðileggur helling fyrir.  Samt 2 kg léttari í dag en fyrir viku síðan, kannski er þetta allt að fara að gerast núna aldrei að vita.

Samt ánægður með hvað þolið er að verða mun betra... jæja bara

Líkaminn er ekkert voðalega hjálpsamur svona þegar maður er að reyna að koma honum í fínt form.  Nú þegar næstum 4 vikur eru búnar af átakinu þá er maður farinn að finna fyrir beinhimnubólgu þegar verið er að hlaupa á hlaupabrettinu og alla þessa viku er ég búinn að vera með hálsbólgu sem lætur bara á sér kræla á morgnana... allt gert til að reyna að stoppa mig en ég skal hafa þetta ! ! !

En þetta var nú rosalegur leikur í gær, ég náði að horfa á hann með öðru auganu á meðan ég var að slípa borðplötur í Hafnarfirðinum.  Ótrúlega ánægður með drengina þó svo að við höfum ekki unnið þetta, mér finnst það að tapa með 1 marki á móti heims- og ólympíumeisturum ekki svo slæmt sko .  Auðvitað hefði maður viljað vinna, sérstaklega þar sem við vorum 2 fleiri þegar ca. 2 mínútur voru eftir... en þá missum við boltann, fáum á okkur mark og missum mann út af í staðinn fyrir að ná að jafna... held það hafi gert loka útslagið - stundum vantar bara smá heppni í lið með okkur.

En þetta mót er að endurvekja trú mína á íslenska landsliðinu, þó svo að við komumst ef til vill ekki upp úr milliriðli.

Áfram Ísland

Fita : 20,1 %
Vatn : 53,2 %
Ummál : 99.5

3 vikur eru búnar.  Ætlunin var að komast úr 87 kg í svona 80 kg... en í staðinn er ég búinn að þyngjast um næstum 4 kg.  Nú er bara að gefast ekki upp og halda áfram, brennslan hlýtur að fara að komast í gang svona hvað úr hverju

Reyndar var vel tekið á í mataráti um helgina, held ég hafi torgað 2 - 3 kílóum af mat bara í gær... og svo var náttúrulega bjór og pizza á laugardaginn, maður getur kannski bara sjálfum sér um kennt að þetta gengur ekki betur.

Vignir Snær er alltaf að verða mannalegri, farinn að spjalla heilmikið við foreldrana og brosa og brosa og brosa... voðalega hlýtur að vera gott að vera svona lítill þegar maður er ekki með einhverja magaverki.  Bara sofa, borða og leika sér - auk þess sem hann fær þvílíka athygli allan tímann.

Á laugardaginn var tekið nördakvöld þar sem við hittumst nokkrir félagarnir og spiluðum Ages of Empires III frá 17.00 - 12.00 og drukkum auðvitað bjór með.  Það er snilld að hittast svona einstaka sinnum og leika sér

jæja later...

Kemst Mundinn lokst niður í 80 kg?
Já
49%
Nei
2%
Kannski
7%
ALDREI
42%
Fjöldi atkvæða: 43

Þið eigið eftir að fá að éta þetta ofan í ykkur...

Síðasta mánudag var ummálið um vömbina á mér 100.5... best að hafa þetta með og sjá hvort þessi tala minnki ekki all verulega á milli vikna

Valli karlinn stakk upp á því að við tveir myndum fara saman í Orkuverið á morgnana fyrir vinnu.  Í þessari viku er ég búinn að ná 100% árangri, mæta þrisvar, á meðan Valli stendur fastur í 0% árangri... þetta er rosalegt

Annars er Media Center loksins komin í gagnið... hrikalega sniðugt tæki maður, á bara eftir að fá dagskránna til að virka, þá get ég skoðað dagskrá vikunnar og bara valið hvaða þátt ég vil taka upp og vélin sér um restina... svo get ég skoðað öll löglegu afritin af þáttum og bíómyndum með farstýringu... engin leiðindi að þurfa að tengja fartölvuna við skjáinn og nota réttann spilara og vesen og vesen... bara eintóm gleði og hamingja.  Reyndar er skjár einn eitthvað tregur við að koma inn, en það hlýtur að takast að lokum

Fita : 18,9 % - Síðasta mæling : 21,2 %
Vatn : 54,2 % - Síðasta mæling : 52,1 %

Örugglega ekkert rosalega mikið að marka þessar prósentur... er með vigt heima sem segir mér þetta allt saman... samt gaman að hafa þetta með - spurning hvort maður eigi að taka ummálsmælingar líka svona upp á djókið...

Jahá, bara búinn að þyngjast um 2 kíló á einni viku... alltof góður matur í vinnunni greinilega.  Nei, annars er þetta eðlilegt hjá mér, alltaf þegar ég fer í átak byrja ég á að þyngjast aðeins, nú er bara að halda þetta út og gefast ekki upp - ef ég næ að halda út næstu 2 vikurnar þá fer ég loks að sjá einhvern árangur.  Svo las ég líka einhversstaðar að fita sé mun léttari en vöðvar, auk þess að hún tekur meira ummál.  Er semsagt að massast svona hrikalega upp 

Sumir sem heita Valli eru ekki að standa sig alveg nógu vel.  Mætti ekki í morgun, ekki á föstudaginn, ekki á mánudaginn í síðustu viku osfrv... En þá verð ég bara miklu meira fit en hann... múahahahahahaha

Helgin var ótrúlega góð, gerðum ekkert á laugardaginn, og næstum því ekkert á sunnudaginn.  Fórum bara í smá bíltúr í gær, ekkert lengi, ætluðum að kíkja í barnabúðir en þær voru bara lokaðar svo að við keyptum okkur óhollustu til að éta og fórum aftur heim

Nú erum við Valli komnir í Orkuverið og þá er nú ástæða fyrir að láta ykkur vita reglulega hvað ég er léttur.  Við reyndar byrjuðum á mánudaginn í síðustu viku, en ég gleymdi að vigta mig fyrir það og því byrjum við átakið í 87 kg í dag 17 janúar og svo ætla ég að setja þyngdina inn á hverjum mánudegi.  Nú skal komist niður í 80 kg.

En já við erum sumsagt í Orkuverinu kl. 06.00 á morgana mánudag - fimtudag, svo er ég í fótbolta á þriðjudögum og fimtudögum, jafnvel á föstudögum, og svo er körfubolti líka á fimtudögum.  Ég ætti allavega að vera að fá góða hreyfingu núna !

Svo erum við Rósa að reyna okkar besta til að hætta í ruslfæðinu, og það gengur nú bara furðulega vel, miðað við hvað við vorum dugleg að éta skyndibita síðustu 2 mánuði.

Annars er allt gott að frétta af Vigni Snæ... við feðgarnir áttum quality time saman um helgina þar sem Rósa var á ljósmyndunarnámskeiði bæði á laugardag og sunnudag og fór svo að hitta vinkonur sínar á laugardagskvöldi.  Hún má nú líka fá smá frí greyið.  En við höfðum það mjög gott fyrripart dags, þar sem drengurinn svaf ca. 3 tíma bæði laugardag og sunnudag, en á laugardagskvöldið voru menn eitthvað ósáttir við að ég skuli ekki hafa kvenmannsbrjóst og var orgað vel á hann pabba sinn þangað til mútta kom heim!

Nú er maður kominn aftur í vinnuna semsagt, og nóg að gera eftir mánaðarfrí.  Væri alveg til í að vinna í 2 vikur og fara svo aftur í mánaðarfrí en efast um að slíkt væri vel séð .  Verð víst að bíða með meira frí fram til páska.  En ég á eftir að taka í frí á þessu ári, mánuð í sumarfrí og einn og hálfan mánuð í feðraorlof, búinn að vera 2 vikur á þessu ári - semsagt ca 1/5 af árinu fer í frí hjá mér

...já, eftir tónleikana í gær sem voru haldnir í Laugardalhöll þá er ég að verða náttúrulaus.  Tónleikarnir sem haldnir voru gegn virkjunum og mengun voru í íþróttahúsi, þar sem alla jafna engum myndi detta í hug að reykja, en þrátt fyrir það þá angaði maður eins og öskubakki sem hefur verið migið í eftir tónleikana.  Ég eiginlega trúði ekki eigin augum þegar fólk allt í kring kveikti í eiturstubbunum sínum.  Það var verið að berjast gegn mengun, berjast fyrir hreinu íslandi og svo var maður að kafna þarna inni úr helvítis eiturrreyk.

Fyrir utan þennan stóra mínus þá voru hljómsveitirnar sem mættu á svæðið bara helvíti góðar og stóðu sig flestar bara allvel.  Múm, Rass, Ham, Egó, Mugison, Damien Rice, Hjálmar og meira að segja Magga Stína var bara helvíti góð.  Það var eitt atriði sem eyðilagði soldið upplifunina fyrir mér og það var Ghostigital - Miðaldra menn að reyna að vera eitthvað hipp og cool og mistókst það algjörlega.  2 menn að dj-ast, einn söngvari sem hoppaði um sviðið eins og geðsjúklingur, ca. 10 ára strákur á horni og gítarleikari.  Var vægast sagt súrt, og því miður var þetta lengsta einstaka atriðið um kvöldið.  Atriðið endaði svo með samsöng Geðsjúklingsins og Damon Albarn - sem var bara ekki upp á marga fiska.  Ham og Egó komu svo í kjölfarið og rifu salinn upp aftur.

Við Rósa skemmtum okkur mjög vel, þó að maður hafi verið kominn með soldið illt í bakið eftir að hafa staðið í 6 tíma... þetta var svona í lengra lagi allt saman, enda margir listamenn sem þurftu að komast að.

Jójó...